Таиландда ёшлар ўртасида ўтказилаётган Осиё чемпионати бугун сўнгги кун мусобақалар ўтказилади. Шу кунга қадар бўлиб ўтган мусобақалар якунларига кўра мамлакатимиз спортчилари 4 та кумуш ва 3 та бронза медалига сазовор бўлишди.   Терма жамоамиз ҳисобига учта кумуш медални Шерзод Маъруфжонов (-85 кг) келтирди. Истеъдодли спортчимиз даст кўтаришда 111 кг, силтаб кўтаришда 142 кг., умумий 253 кг. натижани қайд этди. Яна бир кумуш медалга Файзулло Набиев (-77 кг) сазовор бўлди. Файзулло даст кўтариш мусобақасида 129 кг. тошни ўзига бўйсинтирди.    Терма жамоамизнинг яна бир умидли спортчиси Азимжон Ғаниев (-94 кг) даст кўтаришда 135 кг., силтаб кўтаришда эса 170 кг. натижани қайд этиб, умумий 305 кг. натижа билан учта бронза медали совриндори бўлди.    Бугун бўлиб ўтадиган мусобақаларда ҳамюртларимиздан Зуфар Қодиров (+105 кг) ғолиблик учун баҳс юритади. Ушбу вазн тоифасида мусобақалар Тошкент вақти билан соат 12:00да бошланади.