Матбуот анжуманининг иккинчи қисмида Миржалол Қосимов ҳамда футболчи Воҳид Шодиев қатнашишди.

Келаётган «Наврўз» байрами билан барчани табриклайман. Эртага бизни қийин ўйин кутиб турибди. Эрон жамоалари доим ҳам яхши ўйин кўрсатишган. «Фулад»нинг ўйинларини кўриб чиқдик. «Ал-Жаиш» билан ўйинда ҳимоявий ўйин кўрсатишди, иккинчи ўйинда эса биринчи рақамда ўйнашди. Эртага ғалаба қозонишимиз керак.

– Таркиб ўтган ўйинга қараганда ўзгарадими?
– Биз ўзимизда бор футболчилардан фойдаланамиз. Жавлон Иброҳимовнинг майдонга тушиши аниқ эмас.

– Жамоа ўйини пасайгандай туйилмаяптими?
– Чемпионат энди бошланди. Жамоанинг ўйини қандай пасайиши мумкин? Бундай деб ўйламайман.

– (Воҳид Шодиевга) Нима учун чемпионлар лигасида гол ура олмаяпсиз?
– Менимча, ҳаяжон бўляпти. Янги мусобақа. Гол уришга ҳаракат қиламан.

– Жамоанинг трансфер сиёсати ҳақида нима дея оласиз?
– Жамоани етакчилар тарк этишди. Жамоа шаклланиши вақт керак. Ҳозир кимнидир олиш ниятимиз йўқ.

– Ислом Аҳмедовнинг таъкидлашича, «Бунёдкор»нинг ички чемпионатдаги рақобатчилари кучсиз экани унинг чемпионлар лигасида мағлубиятига сабаб бўлди. Шунга нима дейсиз?
– Рақобатчилар 3-4та эмас 10-12та бўлишини хоҳлаймиз. Чемпионат қанча кучли бўлса, шунча яхши бўлади. Рақобат деганда турнир жадвалининг юқори қисмида эмас, қуйидаги жамоалар ўртасидаги рақобатни ҳам назарда тутдим. Чемпионатимизнинг кучли экани халқаро майдонда бизнинг фойдамизга ишлайди.

– Рақибда қандай ўйин кутяпсиз?
– Менимча, улар иккинчи рақам остида ҳаракат қилишади ва қарши ҳужумдан умди қилишади.

– Иброҳимовнинг жароҳати бор дедингиз. Марказда кимни ўйнатмоқчисиз. Дилшод Жўраевдан ташқари қандай вариант бор?
– Менимча ҳам Дилшод энг яхши вариант.