"France Football" нашри бугун энг кўп маош тўланадиган футболчилар ва мураббийлар рейтингини эълон қилди.

Рейтингнинг энг юқори поғонасини «Барселона» ҳужумчиси Лионель Мессининг бир йиллик даромади 41 миллион еврони ташкил қилган. Даромад бўйича у Криштиану Роналдуни ортда қолдирмоқда.

«Реал» футболчисининг даромади 39,5 миллион еврони ташкил қилди. Кейинги Неймар («Барселона», 29 миллион) ва Уэйн Руни («МЮ», 24 миллион) кейинги ўринларни банд этган.

Кучли ўнликка эса Златан Иброҳимович («ПСЖ», 23,5 миллион), Радамель Фалькао («Монако», 21,2 миллион), Серхио Агуэро («Манчестер Сити», 19,7 миллион), Тиаго Силва («ПСЖ», 17 миллион), Эден Азар («Челси», 16,8 миллион), Франк Рибери («Бавария», 16,5 миллион) киритилишган.

Дунёнинг энг кўп маош оладиган мураббийи сифатида Жозе Моуриньо («Челси», 17 миллион) эътироф этилган. Хосепа Гвардиола («Бавария», 15 миллион), Роберто Манчини («Галатасарой», 14 миллионов), Карло Анчелотти («Реал», 13,5 миллион) ва Фабио Капелло (Россия терма жамоаси, 12 миллионов) кейинги ўринларда қайд этилган.