Ўзбекистоннинг биринчи рақамли теннис устаси Денис Истомин АҚШнинг Майами шаҳрида ўтказилаётган АТР Sony Open Tennis мусобақаларини ғалаба билан бошлади.

Мусобақаларнинг умумий соврин жамғармаси $5,65 млн. га яқин миқдорни ташкил этади.

Дунёнинг 57-ракетка устаси Истомин илк босқичда франциялик Николя Маюни (АТР рейтингида 39-ўринда) икки сетда 7:6(8), 7:6(2)  ҳисоби билан енгиб, мусобақаларнинг кейинги босқичига чиқди.

Энди иккинчи босқичда Истомин яна россиялик Дмитрий Турсуновга рўбарў бўлади. Шу кунгача Истомин Турсунов билан беш маротаба учрашиб, икки маротаба муваффақият қозонган. Эътиборлиси шундаки бу ғалабаларнинг биринчиси шу йил январь ойида Австралия очиқ чемпионатида, иккинчиси 2014 йилнинг февраль Франциянинг Монпелье шаҳрида ўтказилган  АТП Open Sud de France мусобақаларида қўлга киритилган.

Мабодо Истомин бу босқичда ҳам мувафаққият қозонгудек бўлса, учинчи босқичда жаҳонннинг биринчи  ракетка устаси испаниялик Рафаэль Надаль билан яна бир бор учрашиш имкониятига эга бўлади.