Москванинг "Спартак" клуби хўжайини Леонид Федуннинг фикрича, клуб янги стадиони очилишида Киевнинг "Динамо"си билан учрашиш ниятидан қайтмаган.

"Биз Киевнинг "Динамо" клуби билан ўйнашга тайёрмиз. Украина футбол федерациясига ушбу ўйинга рухсат беришлари учун мурожаат этмоқчимиз", - дейди Федун.

Эслатиб ўтамиз, москваликлар "Динамо" билан ўртоқлик учрашуви ўтказишга февраль ойида келишишган эди. Украинадаги март воқеаларидан сўнг киевлликлар мухлислари клуб президенти Игорь Суркисга мурожаат қилиб ушбу ўйинда иштирок этмасликни сўраган эдилар.