“Машъал” ва “Бунёдкор” жамоаларининг ёшлар таркиблари ўртасида кечган баҳсда муборакликларнинг қўллари баланд келди.
Очиғини айтганда, учрашув нотекис бўлган майдонда ўтди. Бу эса ҳар иккала жамоанинг комбинацион ўйин кўрсатишига тўсқинлик қилди. Шунчаки, узун паслар орқали дарвозалар томон тўп тепилди. Шунингдек, кучли шамол ҳам футболчиларга қийинчилик туғдирди. Айниқса, биринчи бўлим мобайнида “Бунёдкор” дарвозаси томон эсган шамол жамоамиз зарарига ишлади. “Машъал” ёшлари 11 ва 16-дақиқада айнан шамол кўмаги натижасида дарвозабонимиз билан бир-бирга вазиятга чиқиб боришди ва ҳар иккала гол ҳам Элдор Шомуродов томонидан бир-бирига жудаям ўхшаш ҳолатда киритилди.
Иккинчи бўлимда эса шамол “Машъал” дарвозаси томон эсди. Бундан эса ёш “қалдирғочлар”нинг фойдаланиши кутилганди. Ҳатто 54-дақиқада Алибобо Раҳматуллаев ҳисобни қисқартирувчи голга муаллифлик қилди. Лекин ён қанот ҳакамининг тушунарсиз қарори оқибатида тоза гол инобатга олинмади. Қолган дақиқаларда эса “Машъал” аъзолари ташкил қилган метин ҳимояни ёриб ўтишнинг иложи бўлмади.
Шу тариқа, “Бунёдкор” ёшлари 2014 йилги илк сафар ўйинидаёқ дастлабки мағлубиятларини қабул қилиб олишди.
Ёшлар лигаси, 2-тур
“МАШЪАЛ” – “БУНЁДКОР” 2:0 (2:0)
Голлар: Элдор Шомуродов 11 (1:0), Элдор Шомуродов 11 (2:0)
“Машъал”: 30.Жавохир Илёсов, 2.Искандар Шойқулов, 4.Юнус Очилдиев, 5.Шохруҳ Достонов (26.Омонуллохон Мурзоев 90+1), 6.Қаҳрамон Баҳодиров (14.Жамшид Шодиев 76, 8.Элдор Эргашев (С), 9.Ихтиёр Тошпўлатов (11.Шохжаҳон Аббосов 46), Элдор Шомуродов (18.Аббос Шодмонов 46), 17.Холмурод Холмуродов (24.Сирож Раҳматуллаев 46), 19.Акмалий Рахимзода, 20.Отабек Шукуров
Захира: 77.Акбар Абраев, 7.Жасурбек Абдураҳмонов
“Бунёдкор”: 25.Муроджон Зухуров, 3.Ҳасан Асқаров, 6.Акрамжон Комилов, 7.Санжар Рихсибоев (10.Темур Аюпов 46), 9.Минори Сато, 13.Зокиржон Нурматов, 14.Алибобо Раҳматуллаев (11.Санжар Қодирқулов 80), 15.Аҳрор Умаржонов, 17.Достонбек Ҳамдамов, 18.Шаҳзод Абдурахимов, 19.Сардорбек Азимов
Захира: 1.Абдукарим Муҳамедов, 2.Георгий Погосов, 5.Шахриёр Имомхўжаев, 8.Жаҳонгир Хўжамов
Ҳакамлар: Д.Каримов (Тошкент), Ф.Усмонов (Косон), К.Расулов (Қарши), С.Саттаров (Шахрисабз)
22 март. Муборак. Б.Вафоев номли стадион. 200 томошабин
