"Манчестер Сити" ҳужумчиси Эдин Жеко "Олд Траффорд"да "МЮ" мағлуб этилганидан сўнг ўз хурсандчилигини яшириб ўтирмади.
"Дербида ғалаба қозониш доим ёқимли, айниқса бугунгидек ғалаба бўлса. Мухлислар ҳам шундай ўйиннинг шоҳиди бўлишганидан хурсандлар.
Тезкор гол барча ўйинларда ҳам муҳим аҳамият касб этади. Бугун илк голимиз ўзимизга бўлган ишончни ошириб юборди. Менимча, биринчи таймда ҳисобни яна ҳам йириклаштириш учун имкониятга эга эдик, аммо буни уддалай олмадик.
Шунга қарамай айтишим мумкинки, айнан бизнинг жамоамиз ўйинни назорат қилди, иккинчи таймда яна иккита гол урди ва ғалабага эришди. Голлар кўпроқ бўлиши мумкин эди, бироқ 3:0 ҳисобидаги ғалабадан ҳам мамнунмиз.
Мухлисларимиз учун жуда хурсандман: дерби - алоҳида эътиборга молик учрашув. Биз бугун яна бир бор бу ҳудудда ким энг асосийси эканини намойиш этдик", - деди Босниядан келган "шаҳарлик".