Матбуот анжуманининг иккинчи қисмида Самвел Бабаян саволларга жавоб берди.

Ёмон ўйнамадик. Мавсум бошида бундай ўйинни яхши деб баҳолаш мумкин. «Қизилқум» чақилмаган ёнғоқ эди. Ҳужумларимизнинг якунланмай қолиши мухлисларнинг асабига теккани аниқ. Биз биринчи ўрнидамиз. Йигитлар мендан айтиб юборишди: «Пахтакор» бу мавсумда биринчи ўрин учун курашади.

– «Пахтакор»ни «Қизилқум»га қарши ўйинда битта ҳужумчи билан кўриш ноодатий бўлди.
– Бизнинг таркибимизда 10та ҳимоячи, 10та ҳужумчи бор. Биз бирдан ҳужумга бирдан ҳимояга борамиз.

– Чет элга кетиб-келган футболчилар ҳақида нима дейсиз?
– Барча қайтган футболчиларнинг ижара вақтлари ёки шатномаси тугади. Менимча, улар бошқа жамоаларда ўйнаб тажриба тўплашди. Масалан, Криметс ўзбек футболининг келажаги деб ўйлайман.

– Жамоа ярим кучи билан ўйнади. Бу руҳий сабаб билан боғлиқми?
– Йўқ. Биз ярим куч билан ўйнамаймиз. Футболчилардан нолимайман, Улар яхши ўйнашди. Жамоа кўп нарсага қодир.

– «Қизилқум» бош мураббийи ҳакамнинг «Пахтакор»га ён босганини айтди. Бунга нима дейсиз? «Пахтакор»га ҳакам ёрдам беради деб кўп айтишади.
– Уларга бир гап айтаман. Ҳамма ўз ишини қилиши керак. Ҳакамларни таҳлил қилсиш менинг ишим эмас. Уларнинг ўз ташкилоти бор. Мураббийнинг ишии, жамоани тайёрлаш. Ҳакам ҳам одам, у ҳам хато қилади. Мен ҳакамнинг бизнинг фойдамизга ишламаган ҳолатларини ҳам санаб беришим мумкин, лекин бу менинг ишим  эмас.

– Танаффусда мухлислар учун ўзига хос лоторея ўтказилди. Ғолиб бўлган мухлислар хурсанд бўлишди. Бунга нима дейсиз?
– Ҳа, биз мухлислар учун ўйнаймиз. Биринчи ўйинда «Андижон»га ҳавасим келди. Уларнинг мухлислари 13-футоблчи (!) бўлишди. Улар бизни ҳам вақти келганда қўллаб-қувватлашди. Биз мухлислар стадионга қайтаришимиз керак. Балки, кейинчалик ўйинга тушганларга автомобил беришимиз ҳам мумкин.