“Металлург” – “Локомотив” учрашувидан кейин даставвал меҳмонлар мураббийи Вадим Абрамов журналистларни қизиқтирган саволларга жавоб берди.

Вадим Абрамов ("Локомотив" бош мураббийи): “Ўйин биз учун қийин кечишини олдиндан тахмин қилгандик. “Металлург” олий лиганинг кучли жамоаларидан бири. Бундан ташқари биз охирги турда очко йўқотганимиздан сўнг ютуқ биз учун жудаям зарур эди. Жамоа бошқарувини қўлга олганимга ҳали кўп бўлмади, бироқ раҳбарият натижа талаб этаяпти. Шу боисдан ҳам муҳит, босим жуда юқори. Таркибда, тактикада ўзгариш қилишга урундик ва эпладик. Қанотлардаги устунлигимиз, тезкорлигимиз бугун  ўз самарасини берди".