Бугун Профессионал теннисчилар уюшмаси дунё ракетка усталарининг ҳафталик рейтингини эълон қилди. Бугун якунига етган Майамидаги “Мастерс” турнири ғолиби, сербиялик Новак Жокович қимматлик очколарни қўлга киритиб, пешқадам Рафаэль Надалга яқинлашиб олди.
Швейцариялик Рожер Федерер кучли тўртталикка қайтди. Ярим финалга етиб келган, лекин жароҳати сабаб кортга чиқишдан бош тортган чехиялик Томаш Бердих 5-ўринга кўтарилиб олди.
Мамлакатимизнинг биринчи рақамли теннисчиси Денис Истомин эса ўтган ҳафтадаги ўрнига нисбатан уч поғона кўтарилиб, 54-ўринни эгаллаб турибди. Таъкидлаш жоиз, Истомин Майами турнирининг учинчи даврасида Рафаэль Надалга имкониятни бой бериб қўйганди.
Ўтган ҳафта бирорта ҳам турнирда иштирок этмаган Фаррух Дўстов бир поғона пастлаб, 167-ўриндан жой олган.
Emirates ATP Rankings. 31 март кунги ҳолат
1 (1) Рафаэль Надаль (Испания) 13730
2 (2) Новак Жокович (Сербия) 11810
3 (3) Станислас Вавринка (Швейцария) 5740
4 (5) Рожер Федерер (Швейцария) 5225
5 (7) Томаш Бердих (Чехия) 4720
6 (4) Давид Феррер (Испания) 4640
7 (8) Хуан Мартин дель Потро (Аргентина) 4260
8 (6) Энди Маррей (Буюк Британия) 3975
9 (10) Жон Изнер (АҚШ) 2715
10 (12) Милош Раонич (Канада) 2710...
... 54 ДЕНИС ИСТОМИН (ЎЗБЕКИСТОН) 845
... 167 ФАРРУХ ДЎСТОВ (ЎЗБЕКИСТОН) 321
