Лондоннинг "Челси" клуби уч мавсумдан буён "Атлетико"да ижара асосида ўйнаётган дарвозабон Тибо Куртуа билан музокара олиб бормоқда.
London Evening Standard нашрининг хабар беришича, янги, 5 йилга мўлжалланган шартноманинг маош билан боғлиқ бандлари қолган, холос.
21 ёшли посбон 30 000 фунт бўлган ҳафталик маошини икки мартага оширишларини сўрамоқда, музокараларда "Челси" директорлар кенгаши аъзоси Марина Грановская қатнашмоқда.
Эслатиб ўтамиз, дарвозабоннинг Лондонликар билан амалдаги шартномаси 2016 йилда ниҳоясига етади.













