"Бунёдкор" ва "Локомотив" жамоалари қарма-қаршиликлари доимо қизиқарли бўлиб келган. 11 апрел, жума куни олий лига 5-тури доирасида бўлиб ўтадиган "Бунёдкор" - "Локомотив" учрашуви жамоаларнинг ўзаро ҳисобдаги ўн учинчи тўқнашуви сифатида қайд этилади.
Демак, шу кунгача пойтахтнинг ушбу икки клуби бир-бирлари билан ўн икки маротаба рўбарў келишган. Ўзаро ўйинларнинг еттитасида "қалдирғочлар" нинг қўллари баланд келган бўлса, икки учрашувда темирйўлчилар зафар қучишган. Яна уч ўйин эса дуранг натижа билан якун топган. Тўплар фарқи - 23:11, "Бунёдкор" фойдасига.
"Бунёдкор" ва "Локомотив" жамоаларининг ўзаро ўйинлари тўпурари - Сервер Жепаров ҳисобланади. Айни пайтда фаолиятини Жанубий Кореянинг "Сеонгнам Ильва Чунма" клубида давом эттираётган собиқ бунёдкорчи темирйўлчилар дарвозасини тўрт маротаба аниқ нишонга олган. Қуйида "Бунёдкор" ва "Локомотив" жамоаларининг "қалдирғочлар" мезбонлигида ўтган ўзаро ўйинлари қайдномаларидан келтирилган кўчирмалар билан танишишингиз мумкин.
БУНЁДКОР - ЛОКОМОТИВ 3:1
17.03.2007. 2-тур. Тошкент. МҲСК стадиони. 5000 томошабин
Голлар: Мўминжонов 16 (0:1), Саломов 45 +2 (1:1), Мандзукас 51 (2:1), Р.Ғофуров 80 (3:1)
Бош ҳакам: Равшан Эрматов - 8,6
БУНЁДКОР - ЛОКОМОТИВ 2:0
02.05.2008. 8-тур. Тошкент. МҲСК стадиони. 3737 томошабин
Голлар: Солиев 19 (1:0), Жепаров 90 +2 пенальти (2:0)
Бош ҳакам: Владислав Цейтлин - 8,4
БУНЁДКОР - ЛОКОМОТИВ 2:1 (0:1)
24.10.2009. 27-тур. Тошкент. "Жар" стадиони. 7895 томошабин
Голлар: Аъзамов 7 (0:1), Солиев 62 (1:1), Ривалдо 88 пенальти (2:1)
Бош ҳакам: Рустам Саидов - 8,2
БУНЁДКОР - ЛОКОМОТИВ 1:0 (0:0)
16.10.2010. 23-тур. "Жар" стадиони. 5122 томошабин
ГОЛ: Кападзе 52
Бош ҳакам: Виктор Серазитдинов - 8,9
БУНЁДКОР - ЛОКОМОТИВ 1:1 (1:1)
22.04.2012. 5-тур. "Жар" стадиони. 4365 томошабин
Голлар: Раҳматуллаев 3 (0:1), Козак 16 (1:1)
Бош ҳакам: Бахтиёр Намозов
БУНЁДКОР - ЛОКОМОТИВ 1:1 (1:0)
04.07.2013. 13-тур. "Жар" стадиони. 4152 томошабин
Голлар: Пишур 45 пенальти (1:0), Тожиев 83 пенальти (1:1)
Бош ҳакам: Равшан Эрматов
