Футзал бўйича Ўзбекистон терма жамоаси сардори Шуҳрат Тожибоев Осиё чемпионати олдидан жамоа яхши натижа кўсатиш бор кучини ишга солишини билдирди.
"Икки асосий ўйинчиларимизнинг йўқлиги мусобақа давомида бизга ҳалақит бермаслиги керак. Ҳозир бизнинг жамоамизда энг яхши савияда ўйин кўрсата оладиган йигитлар тўпланган. Ишонаманки, Вьетнамда муносиб ўйин кўрсатамиз. Жамоамиз мухлисларни хурсанд қилиш учун ҳамма ишни қилади", - дейди Тожибоев.
Эслатиб ўтамиз, футзал бўйича Осиё чемпионати 30 апрельдан 10 майгача Вьетнам мамлакатида бўлиб ўтади. Ўзбекистон терма жамоасининг гуруҳдаги рақиблари - Япония, Жанубий Корея ва Қирғизистон.
