Россиянинг Ханти-Мансийск шаҳрида шахмат бўйича хотин-қизлар ўртасида ўтказилаётган ФИДЕ Гран-Присининг тўртинчи босқичида бугун сўнгги 11-тур баҳслари ўтказилади.

Дунёнинг 12 нафар етакчи шахмат усталари иштирокида ўтаётган ФИДЕ Гран-Присининг тўртинчи босқичда хитойлик Хоу Ифань 10-турда словениялик Анна Музичук билан дуранг натижани қайд этди ва очколари сонини 8 тага етказган ҳолда муддатдан аввал ғолибликка эришди.

Маълумки, мазкур нуфузли мусобақада ҳамюртимиз, халқаро гроссмейстер Нафиса Мўминова ҳам иштирок этмоқда. Иқтидорли шахматчимиз 10 имкониятдан 4 очко жамғариб, турнир жадвалида 9-ўринда боряпти.

Бугун ўтказиладиган 11-турда Нафиса Мўминова оқ доналарда болгариялик Антоанета Стефановага билан баҳс юритади.

Қуйида 11-тур жуфтликлари ва турнир жадвалида спортчилар эгаллагаб турган ўринлари берилган:

Нафиса Мўминова (Ўзбекистон) – Антоанета Стефанова (Болгария)
Хоу Ифань (Хитой) – Александра Костенюк (Россия)
Татьяна Косинцева (Россия) – Анна Музичук (Словения)
Тувшинтугс Батчимег (Мўғилистон) – Ольга Гиря (Россия)
Нана Дзагнидзе (Грузия) – Чжао Сюэ (Хитой)
Екатерина Лагно (Украина) – Анна Ушенина (Украина)

Турнир жадвали:

1. Хоу Ифань (Хитой) – 8 очко
2. Ольга Гиря (Россия) – 6,5 очко
3. Александра Костенюк (Россия) – 6 очко
4. Анна Музичук (Словения) – 5,5 очко
5. Нана Дзагнидзе (Грузия) – 5,5 очко
6. Екатерина Лагно (Украина) – 5 очко
7. Анна Ушенина (Украина) – 5 очко
8. Антоанета Стефанова (Болгария) – 4,5 очко
9. Нафиса Мўминова (Ўзбекистон) – 4 очко
10. Чжао Сюэ (Хитой) – 4 очко
11. Татьяна Косинцева (Россия) – 3 очко
12. Тувшинтугс Батчимег (Мўғилистон) – 3 очко

Сўнгги тур ўйинлари Тошкент вақти билан соат 16:00да бошланади. Мазкур партияларни мусобақанинг махсус сайти khantymansiysk2014.fide.com орқали тўғридан-тўғри кузатиш мумкин.