2022 йил Қатарда ўтадиган Жаҳон чемпионати ташкилий қўмитасининг раҳбарларидан бири Ғаним ал Қуравийнинг айтишича, мусобақа ўтиши керак бўлган стадионлар сони 12 тадан 8 тага қисқаради.
Бу ҳақда Al-Arabiya нашри хабар бермоқда.
Дастлаб тўққизта янги стадион қурилиши ва учта эски стадионларнинг реконструкция қилиниши кўзда тутилган эди. Аммо ташкилотчилар буни рад этдилар.
Шундай қилиб, 2022 йилги Мундиал энг кам стадионларда ўтган Жаҳон чемпионати сифатида эсда қолиши мумкин.
Эслатиб ўтамиз, Қатар-2022 мусобақасининг ўтказиш муддати ҳозиргача аниқланмаган - кўпчилик мусобақани ёзда эмас, қишда ўтказиш фикрини билдирмоқда.
