Кеча Бекободнинг "Металлург-вумен" клуби Навоийнинг "Гули" клубини қабул қилиб йирик 7:1 ҳисобда мағлуб этди.

Дастлаб ўйиннинг 10-дақиқасида меҳмонлар футболчиси Фазилат Баҳромова ҳисобни очган бўлса, кейин бекободлик футболчилар стадионга тўпланган мухлисларга бирин-кетин голлар шодасини тақдим этишди.

"Металлург-Вумен" - "Гули" (Навоий) 7:1

Голлар:  М. Икромова (15, 47), Н. Абдурасулова (25, 41- пен. 55), Ш. Абдулбоқиева (45), Н.Камолтоева (52) - Ф. Баҳромова (10).

Ўйиндан сўнг футболчиларнинг фикри билан қизиқдик.

Фазилат Баҳромова ("Гули"): Биринчи гол уганимиздан кейин, бироз хотиржаъмликка берилдик. Кейин бекободликлар бизни жазоладилар. Биз ҳам ёмон ҳаракат қилмадик, аммо ҳисоб йирик кўринишга келди. Келгуси ўйинларда аҳволни ўнглашга ҳаракат қиламиз. Ўйинимни ривожлантириб терма жамоада ўйнашни орзу қиламан.

Моҳигул Икромова ("Металлург-Вумен"): Омадимиз келди. Битта гол ўтказиб юборганимиздан кейин тезроқ ҳаракат қила бошладик, ҳамма маъсулиятни ҳис қилиб тўп сурди. Оқибатда йирик ҳисобда ғалаба қозондик. Келажакда Ўзбекистоннинг энг яхши ҳужумчиси бўлиш ниятим бор. Келгуси йилларда Ўзбекистон терма жамоаси сафида ўйнашни орзу қиламан.