"Ювентус" бош мураббийи Антонио Конте Европа лигаси яримфиналида "Бенфика"га қарши жавоб учрашувидан сўнг фикрларини билдирди.

Эслатиб ўтамиз, икки ўйин натижасига кўра "Бенфика" финалга йўл олди (2:1, 0:0).

"Бенфика" бизнинг ўйинимизга ҳар томондан ҳалақит берди ва ҳакам ҳам уларга шароит яратиб берди. У асосий вақтга олти дақиқа қўшган эди, аммо қўшиб берилган вақтда ҳам уч дақиқа тўхталиш бўлди.

Рақиб икки ўйинда дарвозамиз томон икки мартагина зарба берди, холос ва финалга чиқди. Иккала ўйинни оладиган бўлсак, "Ювентус" финалга лойиқ эди", - дейди Конте.