«Динамо» жамоаси учрашуви олдидан анъанамизга биноан, мутахасис фикри билан таништиришда давом этамиз.

Мамлакатимизнинг тажрибали мутахассисларидан бири Тохир Кападзе «Эрудит Спорт» газетасида 7-тур олди ўйинлар шарҳини шарҳлаб ўтаркан, шанба куни Навоийдда бўлиб ўтадиган «Қизилқум» - «Динамо» учрашувига тўхталаб ўтди.

«Навоийдаги ўйин шиддатли ва анча қизиқарли ўтса керак. Ғалаба иккала жамоага ҳам зарур. “Қизилқум” жамоаси ўз уйида яхшироқ ўйнайди. Шуни ҳисобга олганда майдон эгаларининг ғалаба учун имкониятлари кўпроқ кўринаётган бўлиши мумкин. Аммо, Самарқанд жамоасининг ҳам сафар учрашувларида ижобий натижаларга эришаётганлигини унутмайлик. Улар сўнгги икки сафар учрашуви – Зомин ва Андижондан ғалаба билан қайтишганди. Навоийда ҳам ўз ўйинини кўрсатса очко билан қайтиши мумкин. Иккала жамоа олдинги турда мағлубиятга учрашди. “Қизилқум” ўз уйида ўйнаётгани ва янги стадионда тўп суриши уларга устунлик бериши мумкин» - дейди Тохир Кападзе газетанинг тур превьюсида.