«Сўғдиёна» — «Насаф» учрашувидан сўнг ташкиллаштирилган матбуот анжуманида дастлаб «Насаф» жамоаси бош мураббийи Рўзиқул Бердиев иштирок этди.

— Бугунги ўйинда майдоннинг ҳолати ҳар иккала жамоага салбий таъсир кўрсатди дея оламан. Ҳаммага маълумки, биз ўтган турда уйда очко йўқотгандик. Шу очколарни ўрнини тўлдириш мақсадида шогирдларимга тегишли кўрсатмалар бергандим ва улар ишончимни оқлашди деб айта оламан.

— Мутахассис сифатида “Сўғдиёна” ҳозирги вазиятидан чиқиб кета олади деб ўйлайсизми?
— Албатта, биринчи навбатда яхши ўйинчиларни жамлаш керак. Мураббий ўша ўйинчиларга ишона олиши керак ва ўша ўйинчилар ҳам мураббий ишончини оқлай олиши керак. Даврон жамоага ажойиб курашувчан футболчиларни жамлаган. Улар бугун ҳамма гувоҳ бўлдики, сўнги дақиқаларгача курашишди. Барибир тажриба ўз сўзини айтди. "Сўғдиёна” азалдан ўз мухлисларига эга бўлиб келган. Жамоани омади келиб, ўз кўзлаган мақсадларига эришишига ишонаман.

— Шоҳруҳ Гадоев қачон майдонга қайтади?
— Шоҳруҳ ўтган йили жароҳат олиб, оёғи синиб, операция қилинганди. Бизнинг режамиз бўйича у иккинчи даврадан сафимизга қайтади.

— Ҳужумчилар ҳақида…
— Ҳужумчиларимиз умуман ишончни оқлашмаяпти. Улар билан алоҳида гаплашиб оламиз.