Олий лига 7-турида Бекободнинг "Металлург" клуби Фарғонанинг "Нефтчи" клубини қабул қилиб 2:1 ҳисобида устун келди. Учрашувдан сўнг меҳмонлар бош мураббийи Мурод Исмоилов журналистларнин саволларига жавоб берди.

- Учрашув қийин кечди. "Нефтчи" таркибида бир қатор етакчи ўйинчлари жароҳатлари боис майдонга тушмадилар, шуларнинг ўрни билинди.

- "Нефтчи"да муаммолар борлиги кўринди.

- Ундай демаган бўлар эдим. Тўғри, охирги пайтлар клубимиз атрофида бўлаётган воқеалардан хабарингиз бор, ўйлайманки, бу муаммолар ўткинчи ва ҳаммаси изига тушиб кетади. Клубимизга Тоҳир Копадзедай тажрибали мутахассис раҳбарлик қилмоқда. Унинг тажрибаси ёрдамида тез орада барча муаммолар бартараф этилади, деган умиддамиз.

- Бекободликлар асли бекободлик бўлган ўйинчингиз Зоҳид Абдуллаевни кутишган эди.

- Юқорида айтганимдай, бир қатор етакчи ўйинчиларимизда жароҳат бор, Зоҳид ҳам шуларнинг орасида.