ФИФА президенти Йозеф Блаттер ташкилот раҳбарлиги лавозимига номзодини бешинчи муддатга қўймоқчи эканлиини маълум қилди.
78 ёшли швейцариялик амалдор 1998 йилдан буён ушбу лавозимда ишлаб келмоқда.
"Мен яна ФИФА президентлиги лавозимига сайланмоқчиман, нима билан шуғулланган бўлсам, давом эттираман. Ҳа, менинг муддатим тугаб бормоқда, аммо менинг миссиям ҳали тугагани йўқ", - дейди Блаттер.
ФИФА президентига сайловлар 2015 йилнинг май ойида бўлиб ўтади. Ушбу лавозимга ФИФА бош котибининг собиқ ўринбосари Жером Шампань расман ўз номзодини қўйган.
