Вьетнамда бўлиб ўтган Осиё чемпионатида иштирок этган Ўзбекистон терма жамоаси бронза медалларини қўлга киритди. Терма жамоамиз бош мураббийи Баҳодир Аҳмедов Кувайтга қарши бўлиб ўтган 3-ўрин учун баҳсдан кейин ўз фикрларини билдириб ўтди.
"Мен Кувайт терма жамоасига миннатдорчилик билдиришни истардим. Улар бугун жуда яхши ўйин кўрсатишди. Мен бу жамоани ҳурмат қиламан, улар Осиёнинг энг яхши жамоаларидан бири ҳисобланишади. Бугунги ўйин қийин кечди.
Биз бу ўйинга тўғри тайёргарлик кўрдик. Бундай ўйинларга биринчи навбатда руҳий жиҳатдан яхши тайёргарлик кўриш лозим. Шу боис мен кеча шогирдларим билан суҳбатлашдим. Бу охирги ўйин бўлгани учун энг сўнгги кучимизгача беришимиз керак эди.
Ушбу мусобақада ёмон иштирок этмадик. Лекин биз энди кейинги Осиё чемпионати ҳақида ўйлашимиз лозим. Навбатдаги қитъа чемпионати бизга ЖЧ йўлланмасини бериши керак. Шу боис мазкур мусобақага ёш таркибни олиб келдик. Улар ушбу турнирда яхши тажриба тўплашди", - дейди Баҳодир Аҳмедов.
