"Барселона"нинг собиқ бош мураббийи Йохан Круифф клуб раҳбариятини яна танқид остига олди, дея хабар беради Marca.
Бу сафар танқид нишони бош мураббий масаласи бўлди. Аввал хабар қилинганидек, "Барса" спорт директори Андони Субисаррета "Сельта" устози Луис Энрике билан учрашиб, жамоани бошқариш масаласида музокара олиб борган эди.
"Миллий чемпионат тугамасдан туриб, жамоатчиликнинг кўз ўнгида Луис Энрике билан учрашиш одобдан эмас. "Барселона"да қандай лойиҳаларидан хабарим йўқ. Луис Энрикенинг ғоялари клуб фалсафасига тўғри келишини ўйлаб кўриш керак", - дейди Круифф.
.
