"Милан"нинг собиқ ҳужумчиси, "Олтин тўп" соҳиби Андрей Шевченконинг фикрича, клуб раҳбарияти келажак учун иш олиб бормоқда.
"Мавсум мен учун омадсиз чиқди ва энди у якунланди, - дея Шевченконинг сўзларини келтиради Milan Channel. - Клуб келажак учун ишлаши керак. Ишонаманки, "Милан" раҳбарлари қўлларидан келганча ҳаракат қилмоқдалар. "Милан"нинг яна Италия ва Европанинг катта клублари сафига қайтишига умид қиламан.
Яқин орада клуб Зеедорфнинг келажагига ойдинлик киритади. Кларенсга мураббийлик фаолиятини бошлаш осон кечмади. У қўлидан келганича ҳаракат қилди ва буни яхши бажарди.
"Милан"га қайтаманми? Бу - менинг иккинчи уйим. Кўрамиз, қайтиш имкониятим туғилса - қайтаман".
