Самвел БАБАЯН (“Пахтакор” менежери): - Тезкор гол урдик, бироқ ўз хатомиз туфайли туфайли тўп ўтказиб юбордик. Ёш футболчилар шундай ўйинларда тажриба тўплаб боришади. Охирги дақиқаларда ўзимизга зарур голни уришга эришдик. Бугун йигитлар ғалабага лойиқ ўйин кўрсатишди. Биз футбол ўйнаш учун майдонга тушдик.
Кахининг йўқлиги билинди. У айни пайтда жамоамиз етакчиларидан бири. Грузия терма жамоаси бош мураббийи Тимури Кецбая унинг ўйинини кузатгани келмоқчи. Уни йиғинга таклиф қилишди, бироқ ҳозир у йиғинга бора олмайди. Шу сабабли Кецбая юртимизга келиб, Махарадзенинг ўйинини кўради.
Футболчилар майдонда мухлисларни ўйлаши ва ўйин учун майдонга тушишлари керак. Ишқибозлар стадионга футбол кўргани келишади. Меҳмонлар жуда кўп вақтни йўқ қилишди. Ўйинни чўзишга интилишлар футболни чиройли қилмайди.
