Камерун терма жамоаси ҳужумчиси Самуэль Это'О   Кот-д'Ивуар  термаси ва унинг ҳужумчиси Яя Туре ҳақида илиқ фикрлар билдирди.

- Кўпчилик Кот-д'Ивуар термасини Африканинг энг яхши жамоаси деб билади. Қўшиласизми?

- Кот-д'Ивуарни кўпчилик қоғозда энг кучли деб билади. Менимча, улар буни амалда исботлашлари  ва асл кучларини кўрсатишларининг вақти келди. Уларнинг бу авлоди ҳаммада яхши таассурот уйғотишлари керак.

- Яя Туре ҳақида нима дейсиз?

- У - ажойиб! Унинг "Манчестер Сити"да нималар қилаётганига қаранг. Бу фантастика. Мен учун Яя Иуре  - жаҳоннинг энг яхши ўйинчиси. У ажойиб мавсум ўтказди ва ақлбовар қилмас голлар урди. Агар буни Месси бажарганда ҳамма уни жаҳоннинг энг яхши футболчиси деб жар солган бўлар эди. Яя Туре Месси, Пеле ва бошқа буюк ўйинчилар сингари голла урмоқда, - дейди Самюуль Это'О.

Эслатиб ўтамиз, ивуарликлар мундиалда Япония, Колумбия ва Греция термалари билан бир гуруҳдан жой олишган.