Россия чемпионати доирасидаги «Ростов» ҳамда «Том» жамоалари ўртасидаги ўйинда ростовликлар ярим ҳимоячиси Каку Гелор Канга рақиб футболчиси Владимир Риковни туртиб юборган ва Риков дарвоза тўсинига бориб урилган эди. Ўша ўйинда Канга қизил карточка олиб майдондан четлатилган.
Лекин Россия футбол иттифоқи бу билан чекланмади. Канга тўртта ўйинда дисквалификация қилинди. Чемпионат тугагани учун бу жазо келаси мавсум учун тегишли бўлади. Таъкидлаш жоизки, футболчи апрелда «Терек»га қарши ўйинда ҳам ўзини ёмон тутгани учун тўртта ўйинга дисквалификация қилинган эди. «Том»га қарши ўйин жазодан қутулгач Канганинг биринчи ўйини эди.
