Уругвай терма жамоаси мухлислари ҳужумчи Луис Суареснинг жароҳатида «Ньюкасл» футболчиси Пол Дамметни айблашмоқда.
Уларнинг фикрича, айнан Дамметнинг ҳаракатлари сабаб Суарес жаҳон чемпионатини ўтказиб юбориши мумкин. Англия чемпионати 38-туридан ўрин олган «Ньюкасл» ҳамда «Ливерпуль» жамоалари ўртасидаги ўйинда Даммет Суаресга қарши қўпол ўйнаган, лекин ҳужумчи кейинчалик ўйинни давом эттирган эди.
Эслатиб ўтамиз, бугун Суарес Уругвайда операция қилинди ва докторлар унинг жаҳон чемпионатида ўйнай олишини тасдиқлашди.













