"Арсенал" клуби ва Германия термасининг собиқ посбони Йенс Леманн ЕЧЛ финалида "Реал" – "Атлетико" ўйини олдидан Диего Симеоне шогирдларининг имкониятини кўпроқ баҳолаяпти.
Бу жамоаларнинг ўйин услублари турлича, - дея Леманнинг сўзларини келтиради УЕФА расмий сайти. - "Атлетико" қоғозда фаворит санлмас, аммо улар Испания чемпионлигини қўлга киритдилар. Бу "Реал"га катта босим беради ва "Атлетико"нинг руҳий устунлигини таъминлайди.
"Матрасчилар"лар ҳимояда хотиржам ўйнашлари мумкин. Улар ўйин назоратини қўлга киритиш учун кучанишлари шарт эмас. Бу уларнинг ўзлари хоҳлаган нарсаси. Айнан шунинг учун "Атлетико"нинг имкониятларини юқори баҳолайман.
