Жорий йилнинг 31 май – 1 июнь кунлари Австриянинг Лейбниц шаҳрида дзюдо кураши бўйича 1994-1996 йилларда таваллуд топган ўсмир-қизлар ўртасида Европа кубоги баҳслари ўтказилди.
Мазкур мусобақада мамлакатимиз спортчилари ҳам иштирок этиб, терма жамоамиз аъзоларидан Суҳроб Турсунов (-66 кг) қизғин кечган мусобақалар якунларига кўра бронза медали совриндори бўлди.
Умидли спортчимиз саралаш баҳсларида словениялик Янус Зидан Ник, Италия вакили Маттео Медвес ва польшалик Виктор Мравчинскини енгиб, россиялик Александр Кучинковскийга имкониятни бой берди.
Шундан сўнг ўтиш мусобақалари орқали учинчи ўрин учун курашни давом эттирган Суҳроб Турсунов Тори Теншо (Япония), Биачио Стефанелли (Италия) ва Марк Винсентани (Бельгия) мағлуб этиб, бронза медали совриндори бўлди.
