Франция терма жамоаси бош мураббийи Дидье Дешам гуруҳ босқичидаги рақибларини жамоанинг ёпиқ машғулотларини учувчисиз самолётда кузатишганликда гумон қилмоқда, дея хабар беради ИТАР-ТАСС.

Сешанба куни Франция терма жамоасининг машғулоти вақтида мутахассис осмонда учувчисиз бошқариладиган самолётни кўрган. Самолёт бутун машғулот давомида ўша атрофда айланган.

Дешамнинг фикрича, бу Франциянинг гуруҳдаги рақибларининг ёки журналистларнинг иши бўлиши мумкин.

Мутахассис жосусликдан хавфсираб ушбу воқеанинг қаттиқ текширишни талаб қилди.