Worldreferee.com сайтида берилган овозларга кўра, ўзбекистонлик ҳакам Равшан Эрматов ЖЧ-2014нинг 1-турида ишлаган ҳакамлар орасида энг яхши бўлиб турибди.
Ҳамюртимиз ўртача 8,1 баллга эга бўлиб турибди. Эрматов бошчилигидаги ҳакамларимиз Швейцария ва Эквадор терма жамоалари ўртасидаги ўйинни бошқариб боришди.
Иккинчи ва учинчи ўринларни эса 7,6 балл билан Бьорн Кёйперс (Голландия) ва Никола Риццоли (Италия) эгаллаб туришибди. Бразилияликлар Сандро Риччи (7,4) ва ивуарлик Нумандьез Дуэ (7,2) кучли бешликка киришган. Кейинги ўринларни Милорад Мажич (Сербия, 7,1), Вильмар Ролдан (Колумбия, 6,8), Феликс Брих (Германия, 6,8), Марк Гейгер (АҚШ, 6,7), Карлос Вера (Эквадор, 6,5) банд этишган.
