Кеча Олмалиқ шаҳрида Ўзбекистон кубоги чорак финали жавоб учрашувлари доирасидаги “Олмалиқ” – “Бунёдкор” учрашуви бўлиб ўтди.

Ўйин давомида рақибларидан ҳар жабҳада устун келган “Бунёдкор” футболчилари 4:0 ҳисобида ғалаба қозонди. 13-дақиқада Сардор Рашидов ўнг қанотдан олдинга борди ва марказ томон ёриб кириб, дарвозани нишонга олди – 0:1. Кейин эса Олег Зотеев яқин масофадан Шомуродов дарвозасига иккинчи тўпни киритди. Биринчи бўлим охирларида Олександр Пишурнинг чиройли пасини Сардор Рашидов ундан-да чиройли тарзда дарвозага йўллаб, ҳисобни 0:3га оширди. 52-дақиқада белгиланган жарима зарбасини Сардор Рашидов қойилмақом тарзда бажариб, супер гол муаллифига айланди.

Шу тариқа, “Бунёдкор” меҳмонда “Олмалиқ”ни 4:0 ҳисобида мағлубиятга учратиб икки учрашув натижаси йиғиндисига кўра Ўзбекистон кубоги ярим финалига йўлланма олди.

Қуйидаги ҳаволаларда “Олмалиқ” – “Бунёдкор” учрашуви видеошарҳини томоша қилишингиз мумкин.