Яқин вақт ичида Испания қироллик футбол федерацияси президенти ва Испания терма жамоаси бош мураббийи Висенте Дель Боске ўртасида учрашув бўлиб ўтади.

Mundo Deportivo нашрида ёзилишича, терма жамоа устози Евро-2016гача ўз вазифасида қолмоқчи. Мутахассиснинг фикрича, терма жамоада катта ўзгаришлар қилиш лозим.

Манбада таъкидланишича, федерация ҳам мураббийни истеъфога чиқаришга сабаб кўрмаяпти ва катта эҳтимоллар билан томонлар биргаликда ишлашни давом эттирадилар.

Эслатиб ўтамиз, Испания тема жамоаси амалдаги жаҳон чемпионлари орасида кейинги мундиалда кетма кет икки бор мағлубиятга учраган биринчи жамоа бўлди.

Айни дамда "Қизил фурия" гуруҳда сўнгги ўринни эгаллаб турибди ва кейинги босқичга чиқиш умиидан бутунлай мосуво бўлган.