"Челси" бош мураббийи Жозе Моуриньо Испания терма жамоасининг ЖЧ-2014ни тарк этиши ҳақида фикр билдирди.

"Испаниянинг чемоданларни йиғиштиришига Голландия ва Чилининг хизматлари сабаб десак, тўғри бўлади. Улар, менимча, замонавий футболда нима қилиш керак бўлса, шуни бажаришди - тактик фикрлаш.

Голландия ва Чили стратегик жиҳатдан жуда яхши тайёргарликка эга эдилар, Испания бунга бас кела олмади.

Одамлар яхши жамоаларга қарши қандай ўйнаш кераклигини ўрганишди. Агар кучли жамоалар, ўз фалсафаларини енгилмас ва ягона деб ўйласалар, одамлар ўрганиб олишади.

Испания охирги 4-6 йилда шундай яхши ўйнадики, одамлар уни кузатиб, ўрганиб олишди.

Луи ван Гал Испаниянин ўйинини ажойиб равишда таҳлил қила олди ва жамоасини тайёрлади, аммо Хорхе Сампаоли ундан кўпроқ иш қилди.

Испания ёмон ўйнади, дегандан кўра (ўзим шундай фикрдаман), Чили ажойиб ишлади деб атаганимиз тўғрироқ бўлар эди. Мураббий Сампаолини табриклайман", - дея Моуриньонинг сўзларини келтиради Eurosport.com.