Аргентина терма жамоаси сўнгги дақиқаларда Мессининг киритган голи ҳисобига Эрон термаси устидан ғалаба қозонди ва нимчорак финалга муддатидан аввал йўл олди. Ушбу ўйиндан сўнг аргентиналиклар устози ўйин ҳақида ўз фикрини билдириб ўтди.

"Жудаям қийин учрашувни ўтказдик. Эрон кўпчилик футболчилар билан яхши ҳимояланди ва бизни ҳимояда кутиб олди. Шу билан бирга бир қатор қулай вазиятларга эга бўлди" дейди Алехандро Сабелья.

"Биринчи бўлимнинг ўзида биз 4-5 та гол киритиш имкониятига эга бўлдик. Иккичи бўлимда эса эронликларнинг қарши ҳужумларида қийинчиликка дуч келдик. Улар жуда кучли ва яхши шаклланган жамоа".

Шунингдек, Сабелья учрашувда ғалаба тўпини киритган Месси ҳақида ҳам илиқ фикрларни айтиб ўтди.

"Месси яхши ўйин намойиш қилди ва дурангни хоҳламади. Агар таркибингда Месси бўлса, хоҳлаган ишни қилишинг мумкин. У жуда муҳим футболчи".