Бразилияда бўлиб ўтаётган Жаҳон чемпионати D гуруҳидан ўрин олган 3 тур Италия - Уругвай баҳсида Уругвайлик форвард Луис Суарес "одатий" ананасига содиқ қолган ҳолда ўзининг чемпионатда ураётган голларидан ташқари яна бошқа баҳсли вазиятларни юзага келтиришни ҳам бошлади.
Гап шундаки, Суарес Италия билан баҳснинг 80-дақиқасида ҳимоячи Кьеллинининг елкасидан тишлаб олди. Ўйинни бошқариб борган мексикалик ҳакам Марко Родригес ушбу вазиятни пайқамади ва Суаресга ўйин вақтида бу ҳаракати учун ҳеч қандай жазо берилмади.
ОАВларда эълон қилинган, бироқ тасдиланмаган хабарлаога кўра ФИФА Суареснинг ушбу ҳаракатлари учун уни 2 ойдан 2 йилгача терма жамоаси сафида ўйинларда майдонга тушиш ҳуқуқидан маҳрум қилиши мумкин.
Эслатиб ўтамиз, аввалроқ Суарес "Челси" ҳимоячиси Брнислав Иванович ҳамда "ПСЖ" футболчиси Оман Баккални ҳам тишлашга улгурган.
