Бельгия терма жамоаси бош мураббийи ЖЧ-2014 гуруҳ босқичида Россияга қарши учрашувда (1:0) жамоа ҳужумчиси Ромелу Лукакунинг қилмишига изоҳ берди.

"Кеча Лукаку билан учрашдим, биз яхши оҳангда суҳбатлашдик. Мен ўша пайтда унинг қандай ҳиссиётни бошдан кечирганлигини яхши биламан. 1994 йилда менда ҳам худди шундай вазият бўлган эди.

Албатта, унинг ўйинидан ва алмаштиришдан кейинги қилиғидан кўнглим тўлмади. Аммо Лукаку ҳам ўзидан кўнгли тўлмади. У кечирим сўради, энди олдинга қадам ташлаймиз. Мен ўтган ишга қарамайман, асосийси - келажак. Мени фақат жамоамни ютуғи қизиқтиради.

Ромелу кеча машғулотларда жуда яхши ишлади ва яхши кайфиятдалиги кўринди.

Жамоага руҳшунос керакми? Мн ҳеч қачон руҳшунос билан ишламаганман ва иламайман ҳам. Мураббийнинг ўзи кифоя. Кельндаги мураббийлар курсидаги энг қизиқ дарслар руҳшунослик эди. У ерда кўп нарсани ўрганганман. Мен ўзимни руҳшунос деб ҳисоблайман. Менда тажриба етарли ва жаҳон чемпионатида қатнашиш тажрибаси ҳам", -  дейди Вильмотс.