“Бунёдкор” – “Насаф” учрашувидан кейинги матбуот анжуманининг биринчи қисмида “аждарлар” жамоаси устози иштирок этди.

- Аламли мағлубиятга учратдик. Ҳали кураш давом этади. Жавоб ўйини бор. Бугунги баҳс давомида бизда голли вазиятлар бўлди. Аммо фойдалана олмадик. Буни эса рақиб жазолади. Умуман олганда, ўйин тенг курашлар остида ўтди, деб ўйлайман. “Бунёдкор” мураббийининг ўзгаргани жамоа ўйинига ҳам таъсир қилгани кўриниб турибди. Акрам Комилов бугунги баҳсда ёмон таассурот қолдиргани йўқ. Геворкянга қарши у жуда муносиб ўйнади. Шунингдек, Достонбек Ҳамдамов ҳам захирадан майдонга тушиб ўйинни кучайтирди. Ҳужумчиларимизга совуққонлик етишмади. Умуман, Ўзбекистонда яхши ҳужумчилар етишмаяпти. Иккинчи бўлимда чарчаб қолдик. Чунки 3 кун илгари “Олмалиқ”да чемпионат учрашувини ўтказган эдик. Ҳали ҳеч нима йўқотилгани йўқ. Биз охиригача курашамиз. Ўйлайманки, Қаршидаги баҳсда бизнинг ўн иккинчи ўйинчиларимиз ёрдам беришади, - дейди Рўзиқул Саъдуллаевич.