Италия терма жамоаси ҳужумчиси Антонио Кассано Бразилиядан ватанига учиб келиш чоғида жамоа посбони Жанлуижжи Буффон билан жанжаллашиб қолди.

"Парма" ҳужумчиси жамоанинг ёш футболчилари билан Буффонга қарши "биз сен майдонга тушмаган вақтда ғалаба қозондик" дедилар.

Буффон бунга жавобан, Кассано гапдан тўхтамаса мушт туширишини айтган.

Бундан ташқари La Repubblica нашрининг талқини бўйича, Кассано жамоада Буффон ва Де Россилар қарор чиқаришидан норози бўлган.

"Кассано ҳеч қандай ғайритабиий иш қилгани йўқ. Матбуотнинг жанжал тўқиб чиқаришини тушунмайман", - дейди Буффон Corriere della Sera нашрига.

Эслатиб ўтамиз, Италия ЖЧ-2014 гуруҳ босқичида  Англия устидан ғалаба қозониб (2:1), Коста-Рика (0:1)  ва Уругвайга (0:1) ютқазиб қўйган.