Аргентина терма жамоасининг собиқ ҳужумчиси Диего Марадона уругвай футболчи Луис Суареснинг дисквалификацияси борасида фикр билдирган Пеле ва Беккенбауэрга нисбатан фикрларини изҳор қилди.
Эслатиб ўтамиз, Суарес ЖЧ-2014 гуруҳ босқичи учрашувида италиялик ҳимоячи Жоржио Кьеллинини тишлаб олгани учун тўрт ойга футболдан четлатилган эди.
"Мен ўз музейларидан чиқиб аҳмоқона изоҳ берган бу нодонларнинг сўзларини ўқидим. Улар ФИФА қарорларига қўшилмоқдалар, бу тушунарли, бунинг учун улар ҳақ олишмоқда. Бу шармандалик. Пеленинг виждонида тўрт футболчининг жароҳати бор, Беккенбауэр эса, имконият бўлди, дегунча рақибга тирсак билан зарба берар эди", - дея Марадонанинг сўзларини келтиради De Zurda.
