Жазоир терма жамоаси бош мураббийи Воҳид Ҳалилходжич ЖЧ-2014 1/8 финалида  Германияга қарши ўйин олдидан Рамазон ҳақида сўрайвермасликларини илтимос қилди.

"Бу ҳар бир инсоннин шахсий иши, агар сиз шу саволни бераётган экансиз, демак сиз этика ва ҳурматдан йироқсиз. Футболчилар ўзлари хоҳлагандай иш тутишади. Мен бу мавзуни ёпишни истайман.

Рамазон кириб келди. Жазоирнинг бир нечта газеталарида менинг шаънимга путур етадиган танқидларни ўқидим. Улар Воҳид ва унинг оиласига нафрат уйғотмоқчилар, бунга чидаш қийин.

Менинг жамоаларимда ҳар доим мусулмонлар бўлган, ўзим ҳам мусулмонман ва мен ҳар доим ўйинчиларга эркинлик берганман. Бу ҳар бир кишининг шахсий иши.

Кимдир менинг ҳаракатларим ва жамоани танқид қилишда давом этяпти. Аммо мен бу жамоада мураббий бўлиб ишлашда давом этаман. Сизлар мени танқид қилишда давом этаётганингиз ачинарли.

Мендан Рамазон ҳақида сўрашни бас қилинг, бўлмаса ўрнимдан туриб, кетиб қоламан", - дейди Ҳалилходжич.