Германия терма жамоасининг собиқ футболчиси Пауль Брейтнер мамлакат терма жамоаси бош мураббийи Йоахим Лёвнинг Жазоир термаси ҳақида гапирган гапларини танқид қилди.
Лёв жаҳон чемпионатининг 1/8 финалидаги рақиби - Жазоирга жуда кучли жамоа деб таърифлаган эди.
"Мен бу даражадаги риёкорлик ва иккиюзламачиликни тушунмайман ва қабул қила олмайман. Худди шундай аҳволга "қийин гуруҳ"... стоп! "Ўлим гуруҳи" ҳақида эшитганимда тушган эдим. Бундай ҳолларда Тожикистон, Мальта ва Фиджи термалари савиясидаги жамоалардан келаётган хавфни эшитиб, қўлларингни ёзасан, холос.
Аммо бу тоза немисча ўзига хослик. Тўғри, рақибларни хурмат қилиш керак, аммо бунда ҳеч нарсани кўпиртирмай, тўғрисини айтиш керак", - дея Брейтнернинг сўзларини келтиради Sport1.
