Грузияда шахмат бўйича хотин-қизлар ўртасида ўтказилаётган Гран-При турнирида 9-тур ўйинлари ўтказилди.

Эътиборлиси, ушбу турда грузиялик гроссмейстер Бела Хотенашвилига қарши дона сурган ҳамюртимиз Нафиса Мўминова (2332) якунда ғалабага эришиб, очколари сонини 1,5 тага етказиб олди.

Ўнинчи турда Нафиса Мўминова Хампи Конеру (Ҳиндистон)га қарши дона суради.

Тўққизинчи турнинг қолган учрашувларида қуйидаги натижалар қайд этилди:
Нана Дзагнидзе (Грузия, 2541) – Антоанета Стефанова (Болгария, 2488)   0:1
Харика Дронавали (Ҳиндистон, 2503) – Цзюй Веньцзюнь (Хитой, 2532)   0,5:0,5
Анна Музичук (Словакия, 2561) – Хоу Ифань (Хитой, 2629)   0:1
Александра Костенюк (Россия, 2532) - Чжао Сюэ (Хитой, 2538)   0,5:0,5
Элина Данилян (Арманистон, 2460) – Хампи Конеру (Ҳиндистон, 2613)   1:0

Мусобақада хитойлик Хоу Ифань 9 имкониятдан 8 очко жамғарган ҳолда якка пешқадамлик қилмоқда.