Ўзбекистон кубоги ярим финал жавоб учрашуви доирасидаги "Пахтакор" - "Локомтив" ўйинидан сўнг "Пахтакор" жамоаси бошлиғи Виктор Жалилов ўйин ҳақида ўз фикрларини билдириб ўтди.

"Ўйинни яхши бошладик. Тез гол уриб, вазиятни тенглаштирдик. Бироқ иккинчи бўлим бошида йигитлар ҳали хаёлан танаффусдан қайтишга улгуришмаганди. Бу эса қимматга тушди. “Локомотив” ҳужумда фаол ҳаракат қилди ва икки тўп киритди.
Тожиев, Каримов ва Андреев жароҳати сабабли бугун тўлиқ ёрдам беришгани йўқ. Тажриба ва курашчанлик озгина етишмади. Савия ва тажриба борасида бизнинг ўйинчилар рақиб футболчиларига имкониятни бой беришди. Рақибимиз таокибида терма жамоанинг бир нечта футболчилари тўп суради. Буни тан олиш керак. Таркибни асосан академия тарбияланувчилари эвазига тўлдирамиз".

- Навбатдаги ўйинда чемпионат доирасида "Бунёдкор" билан ўйнайсизлар. Жамоа унгача тиклана оладими?

-Тақвим биз учун оғир келди. Саккиз кун ичида учта ўйин ўйнаяпмиз. Бироқ, ҳар икки жамоа бир хил ҳолатда турибди. Бундай иссиқ ва ўйиндан сўнг қайта тикланиш осон бўлмайди. Лекин керакли ишларни бажаришга ҳаракат қиламиз.