Аргентина терма жамоаси бош мураббийи Алехандро Сабелья ЖЧ-2014 1/8 финалида Швейцаия устидан қозонилган ғалабадан сўнг (1:0) фикрларини билдирди.
- Бу ўйин фаолиятингиздаги энг қийини бўлди де атаса бўладими?
- Қийин учрашувларим кўп бўлган, аммо буниси ўзгача, ахир бу жаҳон чемпионати, миллионлаб аргентиналиклар учун ўйнаяпмиз. Биз уларни пенальтилар серияси ёқасида қайтариб келиб, ҳаяжонланишларига сабаб бўлдик.
Бахтимизга Месси тўпни қулай вазиятда қабул қилиб қолди Бундай пайт нима бўлишини биламиз. Лео имкониятни қўлдан чиқармади ва Ди Марияга голли пас узатди.
- Бразилия ва Аргентина мухлислари уларнинг жамоалари финалда учрашишларини хоҳлайдилар. Сиз-чи?
- Йўқ. Мен келгуси ўйиндан сўнг яримфиналга чиқишни ўйлаяпман, - дейди Сабелья.
Эслатиб ўтамиз, Аргентина чоракфиналда Бельгия билан учрашади.