2 июльдан 3 июльга ўтар кечаси DirecTV Sports телеканалининг 26 ёшли журналисти Мария Соледад Аргентина-Швейцария ўйинидан сўнг Сан-Паулудан Белу-Оризонтига, милли терма жамоаси жойлашган шаҳар га келаётган эди. Аммо Оливейра шаҳри яқинида унинг машинаси трассадан чиқиб кетди ва бир парча металлга айланди.
Автоҳалокатга қарама қарши йўналишдан келаётган ва машина йўлига чиқиб кетган бошқа автомобиль сабаб бўлгани тахмин қилинмоқда. Мариянинг машинасидаги икки журналист енгил жароҳатлар билан тирик қолган. Мария эса олд ойнада отилиб чиқиб кетган ва шифокорлар унинг ҳаётини сақлаб қола олмадилар.
Мария Аргентина спортжурналистикаси телеюлдузи Мигель Фернандеснинг қизи бўлиб, у ҳам ЖЧда ишлаётган эди.
Кеча Аргентинанинг Белу-Оризонти шаҳридаги қароргоҳида ўтган матбуот анжумани бир дақиқалик сукут билан бошланди.
Аргентинанинг барча футболчиси ижтимоий тармоқлар орқали Мигель Фернандесга таъзия изҳор қилдилар.
