Бразилия термаси ҳимоячиси Давид Луиз Ж-2014 чорак финалдида Колумбия термаси устидан қозонилган ғалабадан сўнг (2:1) Неймарнинг жароҳатидан афсусланаётганини билдирди.
"Биз ҳаммамиз яримфиналга чиқишни орзу қилган эдик. Аммо Неймарнинг жароҳат олгани ачинарли. У катта ўйинчи, буюк футболчи. Ҳаммамиз унинг учун қайғуряпмиз. Шахсан мен учун у укамдай бўлиб қолган.
Жароҳат олган вазиятни кўрмай қолдим, шунинг учун нима бўлганини айта олмайман. Нима бўлганда ҳам ҳеч кимни айблаш керак эмас, ўйинда ҳаяжонлар бўлиб туради", - дейди Давид Луиз.
