Жаҳон чемпионати якунига етишига кўп вақт қолмади. Роппа-роса бир ҳафтадан кейин биз навбатдаги чемпион номини билиб оламиз. Ҳозирда ғолиблик учун кураш олиб бораётган жамоалар сони 4тагача қисқарди.

Мундиал бошланишидан аввал сайтимизга сўровнома қўйиб, мухлислардан ярим финалчи жамоалар номини тахмин қилишни сўрагандик. Бугунги кунга келиб, натижаларни таҳлил қиладиган бўлсак, мухлисларимиз ярим финалга чиққан жамоаларнинг номинии тўғри топишганини кўришимиз мумкин. Сўровномага қўйилган терма жамоалар орасида энг кўп овоз олганлари қуйидаги давлатлар бўлди:

Германия — 5822 (20.4%);
Голландия — 5211 (18.2%);
Бразилия — 4598 (16.1%);
Аргентина — 4041 (14.1%).

Албатта, сўровнома қўйилган илк кунларда унинг натижаси бироз бошқача бўлиб, иштирокчи жамоалар сони қисқариб борган сари жавоблар ҳам ўзгариб борди. Шунга қарамай, плей-офф бошланганидан кейин ЖЧнинг ярим финалига энг кучли дея тахмин қилинган терма жамоалар кучли тўртликка киришди.

Сўровномада иштирок этган барча мухлисларга миннатдорчилик билдирамиз ва навбатдаги сўровномаларда ҳам фаол иштирок этишингизни сўраб қоламиз.