Россия ҳакамлар қўмитасини собиқ раҳбари Сергей Ҳусаиновнинг фикрича, ЖЧ-2014 финалини англиялик Ҳовард Уэбб ёки ўзбекистонлик Равшан Эрматов бошқаради.
Таъкидлаш жоиз, Уэбб ўтган жаҳон чемпионати финалини бошқарган бўлса, Эрматов ўша мусобақанинг энг яхши ҳаками деб топилган эди.
"Жаҳон чемпионатининг энг яхши ҳакамлари Уэбб ва Эрматов. Уэббда катта тажриба бор. Англия лигасининг юқори савиясини ҳам унутмаслигимиз керак. Қанчалик қийин бўлса, ҳакамнинг тажрибаси ҳам ошиб боради, шунинг учун Уэббнинг тажрибаси катта. У Англияда қийинроқ ўйинларни кўп бошқарган.
Равшанга эса Уэббдан кўра қийинроқ. Бир нарсани таъкидлашни истар эдим, яхши ҳакам осмондан тушиб қолмайди. Бу узоқ тайёргарлик маҳсули, албатта устоз бўлиши керак. Унинг отаси собиқ иттифоқнинг иккинчи лигасида ҳакамлик қилган. Унинг савияси ҳозирги ФНЛдан юқори бўлган.
Равшан Ўзбекистон термасида ҳам ўйнаган, у футболни тушунадиган инсон. У ҳакамликда тез мослашади, бунда унинг муаммоси йўқ.
Энди эса энг муҳим томонини тингланг. Эрматов — ОФК вакили. Ҳамма қуш ҳам Днепр ўртасигача суза олмайди, деганларидек, Осиё жамоалари ҳам жаҳон чемпионатида узоққа бора олмайди. Ҳатто чорак финалгача. Натижада Эрматов энг қулай ҳакам бўлиб қолмоқда.
Немис ҳакамларида бу борада ҳар доим муаммо бор, аммо бу Феликс Брих савиясиз ҳакам дегани эмас. Аммо Уэбб ва Эрматов ўз ишлари билан ажралиб турадилар. Айнан улар финални бошқариши мумкин. Бразилия-Германия ўйини кўп нарсани ҳал қилади. Агар немислар ютса - Эрматовга эшиклар очилади, аксинча бўлса - Уэбб ишлайди", - дейди Ҳусаинов.
